Mga Sanhi ng Pananakit ng Dibdib

Mga Hinungdan sa Chest Pain o Pagpanakit sa Dughan

Adunay klase-klaseng matang o klase sa pagpanakit sa dughan na posibleng mabati sa usa ka tao. Daghan sab rason kung ngano masinati kini. Posibleng indikasyon sab kini nga adunay seryoso nga sakit ang usa ka tao sama sa sakit sa dughan o sakit sa baga.
 

Ania ang pipila sa mga hinungdan ug sintomas sa chest pain:
 

Mga Sintomas

Ang chest pain mamahimong hinungdan sa nagkalain-laing klase sa pagbati depende sa sintomas o rason sa pagpanakit niini. Kasagaran, wala kini siyay koneksyon sa kasingkasing apan dili kini daling ipasabot.
 

Ang sudden chest pain nga sagad adunay kalabotan sa sakit sa kasingkasing posibleng mahulagway sa mga nagsunod nga sintomas:

• Presyon, pagkapuno, init ug guot nga pagbati sa dughan
• Daw murag ginadugmok ug sakit ang ibabaw nga bahin sa dughan nga muabot sa likod (back pain), liog, panga, abaga ug sa isa o duha ka bukton.
• Sakit sa dughan nga pabalik-balik og molungtad og pipila ka minuto; posibleng mas musamot ang kasakit tungod sa mga aktibidad nga ginabuhat
• Pagkalisod og ginhawa
• Bugnaw nga singot
• Kahuyang ug pagkalipong
• Pagsuka-suka
   

Uban Pang Matang sa Chest Pain
 

Lisod mahibaloan ang kalainan sa heart-related chest pain sa uban pang klase sa chest pain. Bisan pa niana, ang pagpanakit sa dughan nga adunay kalabot sa sakit sa kasingkasing adunay koneksyon sa mga nagsunod:

• Pagpangaslom
• Naglisod sa pagtulon
• Kasakit nga mawala o magkagrabe kung magbag-o og posisyon ang lawas
• Nagkagrabe nga sakit samtang nagaginhawa og lalom o samtang naga ubo
• Sakit nga mudugay og pipila ka oras
   

Kung adunay dili masabtan nga kasakit nga gibati o kung naghunahuna ka nga gina-atake na ka sa kasingkasing, mamahimong mangayo dayon og tabang aron mahatagan dayon og saktong tambal.
 

Mga Mahimong Hinungdan sa Chest Pain

Daghang hinungdan sa pagpanakit sa dughan; kini tanan nanginhanglan og atensyong medikal.
 

Mga Hinungdan nga Adunay Kalabotan sa Kasingkasing

Ang mga sagad nga heart-related causes sa chest pain kay:

• Heart Attack – ang pagbara sa agi-anan sa dugo, blood clot
• Angina – kini mao ang hinungdan sa hinay nga pagdagayday sa dugo sa kasingkasing
• Pericarditis – paghubag sa sac nga nagputos sa kasingkasing
• Aortic Dissection
   

Mga Hinungdan na Adunay Kalabotan sa Digestive System

• Heartburn – sakit ug init nga pagbati sa likod sa breastbone tungod sa pagtaas sa asido nga gikan sa tiyan padulong sa esophagus.
• Swallowing Disorders – lisod ug sakit  nga pagtulon
• Gallbladder or Pancreas Problems – ang paghubag sa apdo o pancreas maoy hinungdan sa pagpanakit sa tiyan na muabot hangtod sa dughan
   

Mga Hinungdan nga Adunay Kalabotan sa Kaunoran ug Bukog

Ang laing klase sa chest pain kay sagad adunay kalabotan sa mga daot sa bukog ug muscles.

• Costochondritis – ang kondisyon kung diin nagasakit ug nagahubag ang cartilage sa gusok nga konektado sa breastbone.
• Sore o nagahubag nga muscles
• Injured ribs
   

Mga Hinungdan na May Kalabotan sa Baga

Kasagaran sa mga sakit sa baga maoy hinungdan sa chest pain.

• Pulmonary Embolism – Mahitabo kini kung ang blood clot musulod sa ugat sa baga ug ginabara niini ang pagdagayday sa dugo sa tissue baga
• Pleurisy – paghubag sa lamad nga nagabalot sa baga
• Collapsed Lung – Mahitabo kini kung ang hangin nagagawas sa tunga sa baga ug sa gusok
• Pulmonary Hypertension – Kini nga kondisyon mahitabo kung taas ang pressure sa ugat nga nagadala og dugo padulong sa baga
   

Uban Pang Hinungdan

• Panic Attack – pagkahadlok og maayo, paspas nga pitik sa kasingkasing, paspas nga pagginhawa, sobra nga singot, paglisod og ginhawa, pagkalipong, kasukaon ug pagkahadlok sa kamatayon
• Shingles – hinungdan sa nausban og chickenpox virus; kini hinungdan sa sakit sa dughan ug mga blister sa likod padulong sa chest wall.

Ang chest pain o pagsakit sa dughan dili dapat ibaliwala kay mamahimo kining hinungdan sa mas grabe nga sakit o komplikasyon. Kung dili dayon maaksyonan, mamahimo kining rason sa kamatayon. Mas maayo nga mokonsulta dayon sa doktor kung adunay mabati sa mga nahisgotan nga sintomas aron mahibalan kung unsa ang angay nga tambal.