5 tips aron mapaniwang ang tiyan

“Unsaon ba magpagamay og tiyan?" – usa na tingali kini nga mga pangutana nga gusto natong mahibal-an dayon ang tubag ug resulta, ilabi na sa mga babaye. Mas motaas ang kompiyansa sa usa ka tawo kung maayo og himsog ang iyang lawas. Gawas sa himsog nga kalawasan og layo sa sakit, dili sab daotan nga mangandoy og nindot nga lawas. Dili lang gyud kini makuha dayon. Nanginahanglan kini og disiplina ug hustong pag-atiman, ilabi na kung tiyan ang hisgutan.

Ang tiyan mao ang unang maapektuhan sa kadako pag-abot sa hisgutanan bahin sa diet. Base usab sa metabolismo sa lawas, mahimong makita sa tiyan kung unsa ang eating habits sa usa ka tawo. Ang unang babag sa epektibong pagpaniwang sa tiyan mao ang sobrang pagkaon o overeating, usa sa mga hinungdan sa pagdako sa tiyan o dili kaha bloating. Ang uban pa niini mao ang:

1. Pagtulon ug daghang hangin – Dali nga mabati nga puno na ang tiyan kung daghang hangin ang musulod niini pinaagi sa pag-istorya, pag usap og chewing gum, paspas nga pagkonsumo sa pagkaon, ug pagka-stress. Dugang pa niini, ang natural nga bakterya sa tiyan kay nagapagawas og gas gikan sa pagkaon.
2. Menstruation – Sa sulod sa menstrual cycle sa babaye, puwede siyang makasinati og temporaryo nga bloating nga paspas sab mawala inig mahuman ang iyang regla.
3. Ubos nga lebel sa good bacteria sa tiyan – Kung kulang ang good bacteria sa tiyan, dili kaayo maayo ang paghilis niini, hinungdan sa pagdako sa tiyan. Mahimong ubos ang lebel niini tungod sa pag-inom ug antibiotics o pipila ka mga tambal, ingon man ang kanunay nga pagkonsumo sa mga processed foods. )
4. Sobra sa pag-inom og alkohol – Makabaton og ginatawag nga beer belly kung moderate o igo-igo lang hangtod sa heavy drinker o palainom ang ang usa ka tawo. Puno sa calories ang mga ilimnon nga makahubog, mao nga makapadako kini sa tiyan.
5. Pagbaton ug sweeth tooth o hilig og tam-is – Ingon man, ang sobra nga pagkonsumo sa tam-is nga mga pagkaon o mga produkto nga adunay sugary content sama sa softdrinks hinungdan nga modako ang tiyan tungod sa mga calories niini.)
6. Kuwang sa ehersisyo – Kung walay active lifestyle, mawad-an og higayonan nga ma-burn ang calories sa lawas pinaagi sa pagsingot. Epekto niini ang sobra nga katambok ilabi na sa mid-section o sa may tiyan.
7. Dili pagpagawas og hugaw sa lawas adlaw-adlaw  – Tungod sa nagtipun-og nga hugaw nga anaa sa tiyan, makadugang kini sa iyang gidak-on. Gawas pa niini, dili maayo sa panglawas ang dili regular nga bowel movement. Basi timailhan na kini sa usa ka problema sa kahimsog o health problem.

Unsaon ba magpapayat og tiyan?

Gikan sa giingon nga mga hinungdan sa pagdako sa tiyan, mas dali na nga mahibal-an kung unsa ang mga pamaagi alang sa epektibo nga pagpayat. Ania ang pipila ka mga tips aron mogamay ang tiyan:

• Likayan ang mahimong constipated

Kung gamay lang ang fluids sa lawas, maglisud ang usa ka tawo nga magpagawas sa iyang hugaw sa lawas. Giubanan sab kin isa kakuwangan sa fiber sa diet, ug bisan ang pisikal nga kalihokan nga makaparelax sa mga muscles aron makatabang sa regular bowel movement. Aron malikayan ang constipation, siguraduha nga makompleto ang girekomendar nga dietary allowance nga fiber kada adlaw: 25 grams sa mga babaye ug 38 grams para sa mga lalaki. Kumpletuha sab ang pag-inom og 6 ngadto sa 8 ka baso nga tubig kada adlaw ug paningkamuti nga maka-ehersisyo bisag tunga sa oras, lima ka beses kada semana.

Sulayi ang paggamit og psyllium fiber kung naglisud ka matag adlaw sa pagpagawas sa imong hugaw sa lawas. Tungod kini kay usa ka prebiotic, makatabang kini sa pagdaghan sa probiotics o good bacteria sa tiyan. Moresulta kini sa usa ka himsog nga digestive system nga maoy pamaagi sa pagtabang aron mugamay ang tiyan.)

• Bantayi ang kadaghanon sa ginakaon

Ang gidaghanon sa mga bitamina, minerals, ug sustansya nga gihatag sa lawas kay wala sa kadaghan sa ginakaon – kini nagadepende sa kalidad sa pagkaon nga ginakaon. Makapadako sa tiyan ang sobra nga pagkaon ilabina kung ang imong ginakaon kay fatty foods, processed foods, ug tam-is ug parat nga mga pagkaon nga apil sa imong diet. Siguraduha nga balanse nga pagkaon nga imong ginakaon sa matag adlaw. Imbes sa naandan nga tulo ka beses sa usa ka adlaw nga iskedyul sa pagkaon, mahimo kining himuon sa ginagmay pero kanunay nga pagkaon aron mapugngan ang pagdako sa tiyan.

Mas maayo sab nga usapon og maayo ang pagkaon aron mamenosan ang gas nga mosulod sa tiyan. Kini nga teknik makatabang sab sa pagpahinay sa pagkaon, hinungdan nga dali nga mabusog ug dili masobrahan sa pagkaon.

• Iapil sa diet ang mga pagkaon nga pampapayat

Tungod sa aduna kiniy antioxidants, fiber, pagpahinay sa metabolismo, ug uban pang mga kabtangan nga makapagamay sa tiyan, sulayi ang mahimong mamugnaon sa pagsagol ani nga mga niining pagkaon sa imong meal plan:

• Mga prutas sama sa avocado, papaya ug saging;
• Dark chocolate;
• Almonds;
• Green tea, peppermint, ginger, o chamomile tea;
• Yogurt;
• Probiotics drink;
• Chili peppers;
• Asparagus;
• Whole grains; ug
• Pipino.
• Pagbaton ug regular nga workout o ehersisyo

Makatabang sa pag-burn og calories ang pagbaton og aktibo nga lifestyle. Bisan og maghimo og simpleng low-impact exercises sama sa paglakaw ug pag-jogging mamahimong mugamay ang tiyan. Mahimo usab nimong sulayan ang mga sit-ups, curl-ups, push-ups, ug uban pang mga movement nga makatabang aron mu-flat ang tiyan. Kung mu-angay sa imong health condition, sulayi ang pag-ehersisyo sa gym aron masuportahan sa trainer o instructor ang paghimo og routine nga muhaom sa imong fitness goals.

• I-manage ang stress

Ang stress mao ang usa sa mga hinungdan ngano nga ang usa ka tawo mokaon og daghan - gitawag kini og stress-eating. Kung nabalaka tungod sa kasagarang mga stressors, ipalayo dayon ang imong atensyon sa pagkaon ngadto sa lain nga mga butang nga makapahupay sa imong stress. Mahimong kini kay usa ka relaxation technique sama sa yoga, o dili kaha maghimo og mga activity nga imong gikahiligan. 

Nanginahanglan og pisikal, mental, ug emosyonal balance kung gusto nimo mahimong physically fit. Ang mga lakang nga gihimo sa pagpagamay sa tiyan makatabang usab sa kinatibuk-ang kahimsog sa kalawasan. Siguruha lang nga dili kaayo mag-focus sa pagpaniwang ug pagpaubos sa timbang, ilabi na kung dili nimo mabantayan kung maayo o healthy pa ang ratio sa imong timbang ug sa imong edad, katas-on, ug health condition.  Pakigtambayayong sa mga health professionals aron makab-ot ang imong mga tumong alang sa imong lawas aron makasiguro nga ang mga pamaagi kay luwas ug epektibo alang kanimo.