Tambal sa Uric Acid ug uban pang pamaagi aron mapaubos kini

Mga parat ug tambok nga pagkaon ang pipila sa mga bida sa lamesa karong holiday season. Lechon, liempo, mga pinirito nga putahe, ug uban pa – pipila lang kini sa mga dili mawala nga pagkaon sa Pinoy menu inig panahon sa pasko. Lami man sa panlasa, ang sobra nga konsumo sa mga maong pagkaon magdala sab og kadaot. Usa sab sa mga sad-an dinhi ang sobra pag-inom og ilimnong makahubog na sagad ginasabay sa pagkonsumo og unhealthy food isip pulutan. Apan bisan usahay lang kini sa usa ka tuig, dili gihapon angay pasagdan ang mga risks na kauban niining klase sa pag-enjoy sa okasyon.

Apil na sa maapektuhan sa mga maong buluhatonang uric acid levels sa lawas. Aron mas masabtan kini, atong sayron kung unsa ang ginahimo niini para sa kahimsog sa kalawasan.

Unsa ang uric acid?

Ang uric acid usa ka produkto sa hugaw o toxins sa lawas. Mulambo kini kung ginadungmok sa lawas ang mga substance na ginatawag na purines. Ang mga purine makita kung namatay ang mga cell ug mag breakdown. Ang maong substances natural sab nga makuha sa lawas sa ubang ilimnon ug pagkaon sama sa mga lamang-loob, dried beans, peas ug beer.

Kasagaran sa uric acid matunaw sa dugo ug muadto padulong sa mga kidney, ang organs na responsible sa pagtanggal niini sa lawas pinaagi sa excretory system. Ginagawas sa lawas ang uric acid pinaagi sa ihi ug dumi.

Ngano makahiagom og taas na uric acid?

Usahay, ang lawas sobra ang ma-produce nga uric acid ug dili matanggal ang pagkasobra niini. Sa ingon aning sitwasyon, posibleng magka hyperuricemia  o taas nga lebel sa uric acid sa dugo. Sa ubang kaso, ang sobra nga pagkonsumo sa mga pagkaon nga taas ang uric acid mao ang hinungdan sama ani nga kondisyon.

Maong aron adunay normal na lebel sa uric acid, bantayan ang mga ginakaon ug kinahanglan ang healthy lifestyle, ilabi na kung naa sa inyong liwat o family history ang mga sakit sama sa gout.

Ang gout usa ka klase sa rayuma kung diin ang mga nanghubag ang mga joint tungod sa sobra ka taas na uric acid sa dugo. Nailhan sab sa tawag na rayuma sa tiil tungod ang sagad na maapektuhan niini mao ang kumagko sa tiil. Usahay, mabati sab kini sa mga joint sa kamot ug tuhod.

Gawas sa gout, ania pa ang ubang factors kung ngano taas ang uric acid:

• Sobra nga pag-inom og ilimnong makahubog;
• Hypothyroidism o dili aktibong thyroid gland;
• Obesity o kung adunay taas nga timbang;
• Psoriasis; o
• Renal insufficiency o ang kakulangon sa kapasidad sa kidneys na maka-filter og waste products sa dugo.

Unsa ang mga sintomas sa uric acid high levels?

Gibana-banaang aduna sa 1/3 lang sa mga tao nga adunay hyperuricemia ang makasinati og mga sintomas niini. Sanglit dili pa kini matawag nga sakit, kung magpabilin nga taas ang uric acid sa paglabay sa panahon, posibleng muresulta kini sa lain-laing sakit ug komplikasyon. Pipila sa mga sintomas mao ang mga musunod:

• Kung adunay kidney stones;
• Pagpanggahi o pagpanghubag sa mga joint;
• Pagpanakit sa lower back, kiliran, tiyan, ug groin o singit;
• Pagpanglisod sa pag-ihi;
• Kung adunay dugo ug lahi nga baho sa ihi;
• Pagsuka; ug
• Taas na kalintura na giapilan og seizure.

Unsa ang angay buhaton aron mapaubos ang uric acid?

Sama sa nahisgotan sa unang bahin, importante ang healthy diet para sa normal na level sa uric acid. Ania ang pipila sa mga pagkaon na maayong ikonsumo aron makalikay sa rayuma sa tiil, kidney stones ug uban pang komplikasyon nga epekto sa taas nga uric acid:

1. Mga pagkaon nga ubos sa purine – Ang mga low-fat ug non-dairy fat na produkto sama sa yogurt, lab-as nga prutas ug gulay sama sa cherries ug cabbage, nuts, whole grains, potatoes ug eggs kay ginarekomenda nga i-apil sa diet aron makalikay sa pag-atake sa gout.
2. Vitamin C-rich food – Ang Vitamin C mamahimong magpaubos sa uric acid sa dugo. Pipila sa mga pwede pagpilian ang mga citrus na prutas sama sa orange, mga berde ug dahonon na gulay sama sa broccoli ug kangkong, apil na sab ang pag-inom og Vitamin C o ascorbic acid supplements aron masiguro na makuha sa lawas ang recommended daily allowance niini.
3. Red wine – Imbes nga beer ang inumon, nadiskobrehan nga adunay maayong epekto ang pag-inom og red wine sa kahimsog sa lawas. Hinumdoman lang muinom niini nga adunay moderasyon.
4. Water – Mapahinay ug mapaubos sa pag-inom og daghang tubig ang uric acid levels sa lawas tungod muresulta kini sa sige og pagpangihi ug pagbawas, na maoy ngapagawas og waste material.
5. Lean meat at poultry – Tungod makapataas sa uric acid levels ang mga laman-loob sama sa atay sa hayop, pili-a ang mga karne ug unod para sa protein content niini.

Pwedeng sulayan kining sample menu aron makasugod og low-purine diet:

Pamahaw

• Whole-grain cereal na adunay low-fat milk
• 1 cup fresh cherries
• 1 baso nga tubig
• 1 cup nga kape

Paniudto

• 2 ounces nga roasted chicken breast
• Vegetable salad na adunay olive oil isip dressing
• 1 baso nga tubig

Merienda

• Low-fat yogurt

Panihapon

• 3 to 4 ounces nga roasted salmon
• Steamed green beans
• ½ to 1 cup nga whole-grain na pasta
• 1 baso nga tubig
• 1 cup nga melon

Gawas niini, aduna sab tambal sa uric acid na makatabang aron mapaubos ang harmful levels niini. Lakip niini ang:

• Allopurinol – Kini nga tambal sa gout ginareseta sab sa mga adunay hyperuricemia.
• Celecoxib – Mao kini ang tambal sa uric acid high levels na gina-inom kontra-atake sa mga sakit tungod sa rayuma, na maoy ginadani sab sa taas nga uric acid.
• Colchicine – Mamahimong inumon kining tambal para sa rayuma sa tiil.

Isip pahinumdom, siguraduhon na magpakonsulta usa sa doktor ayha muhimo og mga pag-bago sa diet ug pag-inom og tambal aron ma-regulate ang levels sa uric acid. Apilan sab kini og active lifestyle ug saktong pahulay aron mamintinar nga himsog ang tibuok kalawasan.