Mga Karaniwang Sakit sa Lalamunan: Tonsillitis at Iba Pa

Kasagarang mga Sakit sa Tutunlan: Tonsillitis ug uban pa

Dili talagsaon ang pagbaton og sakit sa tutunlan ilabi na tungod daghan og klase sa throat infection ang pwede natong makuha. Dako ang tyansa nga pipila kanato ang nagka-sore throat o ubo, o dili kaha tonsilitis ug laryngitis. Unsa ba ang kasagarang throat conditions? Atong sayron ang pipila niini.

Tonsillitis

Kasamtangan mga bata ug teenager ang kasagarang makasinati og tonsilitis, apil sab ang mga edaran.  Isip usa sa mga kasagarang impeksyon, pwedeng magka-tonsilitis ang bisan unsang edad.

Viral o bacterial infection sa tonsil ang duha sa mga kasagarang hinungdan sa tonsilitis. Kini nga sakit adunay daghang mga simtomas, sama sa:

• Sakit sa tutunlan
• Puti o yellow nga ispot o lama sa tonsils
• Lisod ug sakit itulon
• Pagaw nga tingog
• Baho nga ginhawa
• Hilanat ug pagpangurog
• Sakit sa dalunggan, tiyan, o ulo
• Sakit sa apapangig ug liog tungod sa paghubag sa lymph nodes
• Stiff neck
• Iritable, walay gana mukaon, og sobra nga paglaway ilabi sa mga bata.

Kung aduna nay ginabati sa bisan unsa man ni-ining mga senyales, dili man kinahanglan nga magpakonsulta dayon sa doktor. Adunay daghang natural remedies alang sa tonsilitis nga pwedeng himuon sa balay. Sama sa pag-inom ug daghang tubig, pagmumog og maligamgam nga tubig nga dunay asin, ug pagkaon og throat lozenges aron mahupay ang paghubag ni-ini. Maayo sab ang saktong pahuway og likayi nga makasimhot og asu.

Kasagaran, kini nga mga pamaagi igo na aron matambalan ang tonsilitis. Apan kung mograbe ang mga simtomas - pananglitan, kung adunay hilanat nga labaw sa 39.5 °C, ug kahuyang sa kaunuran – magpakonsulta dayon sa doktor. Antibiotics ang kasagarang ginareseta isip tambal sa tonsilitis. Siguraduha lang nga tumanon ang maong reseta, aron tama ang mahimong epekto sa tambal ug maulian sa maong sakit.

Pharyngitis

Ang paghubag sa pharynx o tutunlan gitawag nga pharyngitis, o sakit sa tutunlan. Dili kaayo ni lahi sa tonsilitis, tungod kay ang lugar sa impeksyon mao ang pinakadakong kalahi-an nila. Kung ang tonsillitis mao ang paghubag sa mga tonsil, ang pharyngitis mao ang paghubag sa mismong tutunlan. Ang pharyngitis usa ka virus. Apan usahay, tungod kini sa bakterya nga streptococcus, nga makuha kung ang usa ka tawo matakdan tungod sa pag-ubo ug pag-atsing (sneeze) sa tawo nga adunay impeksyon o natakdan hinungdan sa pagsalo og pagkaon o ilimnon.

Sama sa tonsilitis, ang mga sintomas sa pharyngitis kay hilanat, labad sa ulo, sakit sa lutahan ug kaunoran, ug nanghubag nga mga lymph node sa liog. Ang nalahi ra nga simtomas mao ang mga pantal o rashes sa panit.

Alang pud sa tambal, panagsa ra ang antibiotics isip solusyon. Kini mahitungod kay ang mga virus mao ang kasagarang hinungdan sa sakit. Kung mao kini ang kahimtangan, makatabang ang mga natural nga tambal sa pagwala sa kondisyon. Pagmumog usab og maligamgam nga tubig nga dunay asin, ug kaon og mga throat lozenges. Puwede sab muinom og kalamansi ug honey, o dili kaha sulayi ang mga over-the-counter nga tambal sama sa mga pain reliever. Magpakonsulta usa sa doctor kung unsang tambal ang angay inumon.

Laryngitis

Kung ang voice box (o larynx) ang maghubag, ang tawag niini kay laryngitis. Ang mga hinungdan sa maong sakit kay ang mga musunud:

• Upper respiratory infection o sipon
• Sobra nga paggamit o overuse sa vocal chords pinaagi sa sobra nga pag-istorya, pagkanta o pagsinggit.
• GERD o Gastroesophageal Reflux Disease
• Panigarilyo ug exposure sa secondhand smoke o hugaw nga hangin

Kining mga hinungdan sa sakit nagahatag og dili maayong epekto sa tingog. Sa sinugdanan ma-pagaw ta, hangtod sa kadugayan mawala na gyud ang atong tingog. Ug kung sulayan nato ang mu-istorya, mamatikdan nato nga ang tingog nga mugawas, luya ug pagaw kaayo. Mamatikdan usab nga ang tutunlan nagasakit, tungod sa paghubag.

Ang laryngitis kasagaran mudugay og pipila ka adlaw apan adunay higayon nga muabot kini sa usa hangtod duha ka semana ang kadugayon. Isip tambal sa laryngitis, importante nga dili usa mag sise og istorya aron mapahuway ang “voice box”. Kung kinahanglan man mu-istorya, ayaw pag hunghong tungod kay nagkinahanglan kini og dugang nga paningkamot kung itandi sa regular nga pag-istorya. Uban sa pagpahuway sa imong tingog, pag-inom usab og daghang tubig ug likayi ang alkohol ug sigarilyo. Ayaw i-expose ang imong kaugalingon sa ubang mga tawo kung adunay kay laryngitis, tungod makatakod kini.

Kung mulapas na sa duha ka semana ang sakit, adto na dayon sa doktor.

Tulo lamang kini sa mga daghang impeksyon sa tutunlan nga puwede natong makuha. Aron malikayan kini, simple lang ang mga angay buhaton- anaron ang kaugalingon sa pagsunod sa proper hygiene.

Hugasan ang kamot kanunay ilabi na kung mugahin og taas nga oras sa lugar nga kaylap ang mikrobyo sama sa ospital, eskwelahan o opisina. Magdala sab og hand sanitizer o alchohol sa bag aron adunay panglimpyo sa kamot kung walay access sa duol nga hugasan. Sa kini nga pamaagi, malikayan nato ang mga kasagarang sakit sa tutunlan.