Mga solusyon sa constipation

Ang constipation usa ka kondisyon nga adunay kalabutan sa digestive system, kung diin ang usa ka tawo makasinati og paglisod og pagawas sa iyang hugaw sa lawas. Kasagaran, gahi ang hugaw nga iyang mapagawas tungod kay naga-absorb og daghang tubig ang colon nga gikan sa atong ginakaon. Kung ang usa ka tawo constipated, maglisod kini og pagawas sa iyang hugaw ug dili normal ang bowel movement niini. 

Ang bowel movement kay dili parehas sa matag usa ka tawo. Ang uban tulo ka higayon sa usa ka adlaw og aduna pud tulo ka higayon sa isa ka semana kung magpagawas og hugaw sa lawas. Ang walay bowel movement sulod sa tulo o mulapas pa sa sobra tulo ka adlaw kay dili na maayo sa lawas. Halos tanan nakasinati na niini apan mas maayo gihapon nga mahibal-an kung unsa ba ang mga angay hinumdumon bahin sa constipation.

Hinungdan sa Constipation 

Daghan og hinungdan sa constipation. Usa niini ang kakuwang sa physical activity. Dako sab nga epekto kung kuwang ang pag-inom og tubig o pagkonsumo og fiber nga makatabang sa regular bowel movement. Nahimo sab nga hinungdan sa constipation kung pa usab-usab ang ginakaon ug ginahimo adlaw-adlaw. Busa, ania ang uban pang hinungdan sa constipation: 

• Stress
• Mga tambal nga gina-tumar alang sa sakit sama sa narcotics og uban pang antidepressant
• Ginapug-ngan ang pagpagawas og hugaw sa lawas
• Pag-inom sa ubang antacid nga adunay calcium o dili kaha adunay aluminum
• Pagbuntis
• Pangedaron
• Dili igo ang gina inom nga tubig ug uban pang ilimnon o fluids
• Kuwang sa mga pagkaon nga taas sa fiber sama sa prutas ug gulay

Usa ang pagkaon nga adunay pinakadakong kontibusyon sa constipation. Ania ang uban pang mga pagkaon ug ilimnon nga nahimong hinungdan niining kondisyon: 

• Sobra sa mga produkto sa dairy sama sa gatas, cheese, ug ice cream
• Mga pagkaon nga taas sa fat ug sugar
• Kape ug makahubog nga mga ilimnon 

Mga Simtomas sa Constipation 

Bisan og kasagaran ang constipation kay dili kayo ingon ana ka seryoso, ang importante nga aduna kita’y normal nga bowel movement aron makabati og kahupay. Adunay mga pipila ka mga simtomas nga puwedeng masinati sa usa ka tawo kung adunay constipation. Ania ang mga simtomas niini. 

• Discomfort o pagsakit sa tiyan ilawom nga dapit sa lawas;
• Lisod og pinugos nga pagpagawas og hugaw sa lawas;
• Maka-bati nga dili kumpleto ang bowel movement;
• Adunay rectal bleeding tungod maglisod og pagawas og hugaw sa lawas;
• Gahi ug gagmay nga stools o hugaw sa tawo; ug
• Maka-bati og butod o bloated ang tiyan 

Tambal sa Constipation 

Tungod kay common nga makabati kita og constipation, daghan ang puwedeng mahimo aron masolusyonan o matambalan kini. Ania ang uban sa mga simpleng himuon o home remedies alang sa niining sakit: 

1. Sigehon ang pag-inom og sakto sa kadaghan sa tubig adlaw-adlaw. Kung ang usa ka tawo kay dehydrated, taas ang posibilidad nga makasinati kini og constipation. Aron malikayan kini, dakong tabang ang pag-inom og tubig o hydration. Sa panahon nga constipated ka, makatabang ang pag-inom og carbonated nga sparkling water nga walay asukar aron mahuwasan. 
    
2. Kaon og fiber-rich nga mga pagkaon. Ang saktong pagkonsumo sa fiber makuha sa mga pagkaon sama sa prutas, gulay, wheat, whole grains, mani ug beans. Kini kay naga absorb og tubig nga makatabang aron ang hugaw nga ginapagawas sa lawas kay humok ug ang bowel movement makanunayon. Atong timan-an nga sakto nga fiber lang ang gikinahanglan ug maayo sa lawas ug dili sobra. 
    
3. Mag-exercise kada adlaw. Ang sakto nga lifestyle kay dako sab og tabang aron mamenosan ang risgo nga magka-constipation. Ang dili sige og lihok o inactivity kay usa sa dakong hinungdan ngano masinati kini. 
    
4. Puwedeng mu-tumar og epektibong tambal sa constipation o laxative sama sa RM Bisacodyl. Ang over-the-counter laxatives sama sa RM Bisacodyl kay makatabang aron mapaspas ang pag-gawas ug paghumok sa hugaw nga ginagawas sa lawas aron mugaan ang imong pagbati. Alang sa mga hamtong ug mga bata nga nag-edad 10 pataas, puwedeng muinom og 5 to 10mg nga RM (usa o duha ka tabletas). Para sab sa mga bata upat ka tuig paubos, luwas ipainom ang 5mg (1 tableta) o sumala sa tambag sa doktor sa bata.

Timan-i: Ang laxatives kay tambal sa short term nga constipation. Ang sobra nga paggamit sa laxatives kay puwedeng makadaot sa lawas. Kung makasinati og allergic reaction sama sa paghubag sa nawong ug lisod iginhawa paghuman pag-inom ni-ini, undangi kini og gamit. 

5. Para sa uban, ang kape kay makatabang aron paspas igawas ang hugaw sa lawas. Mas maayo ang caffeinated nga kape tungod ang kape kay nasayran nga makapa-stimulate og muscles sa digestive system sa tawo.
    
6. Likayi ang sobra nga pagkaon og dairy products sama sa cheese ug ice cream. Ang pagbat-on og intolerance sa dairy hinungdan sa constipation sa pipila ka mga tawo.
    
7. Tumar og probiotic supplement o pagkaon nga insakto sa probiotics. Ang probiotics kay maayo aron ma limpyohan ang tiyan kung ingkaso ang constipation nga nasinati kay tungod sa bacteria sa tiyan. Usa ang yogurt nga adunay probiotics nga makatabang aron maulian sa constipation. 
    
8. Ang baking soda kay epektibo sab aron mamenosan ang constipation. Makatabang kini aron ma-neutralize ang acid sa tiyan ug maigawas ang hangin o gas. Ang usa ka kutsarita nga baking soda sa usa ka quarter o ika-upat nga bahin nga gi-init nga tubig sa baso kay maayong tambal sa constipation.
    
9. Kung mograbe ang mga sintomas sa constipation, dapat magpakonsulta dayon sa imong doktor.

Adunay gitawag nga chronic constipation kung diin ang mga sintomas sa constipation masinati sulod sa tulo ka bulan o kapin pa. Kini nga kaso, pipila sa mga posibleng hinungdan mao ang mas seryoso nga mga sakit sama sa colon cancer, rectal cancer, abdominal cancer, problema sa nerves sa tiyan, stroke, Parkinson's Disease, hypothyroidism, ug colon congestion. Kinahanglan nga magpakonsulta dayon sa doktor kung ang constipation o ang nasinati nga sakit sa tiyan kay dugay na ug gabalik-balik aron masayran ang hinungdan niini.

Mga Komplikasyon sa Chronic Constipation

Ang usa ka tawo nga kanunay mag-constipation kay posibleng makasinati ug mga komplikasyon sa lawas ilabi na sa panglawas nga aspeto. Duha niini mao ang paghubag sa mga ugat o veins palibot sa anus ug anal fissure o pagkagisi sa panit sa anus.