Mga angay mahibal-an kung adunay hyperacidity

Unsa ang Hyperacidity?

Sumala sa datus niadtong 2014, anaa sa 25% sa mga Pilipino ang nakasinati og hyperacidity o grabeng pag-aslom sa kuto-kuto tungod sa sobra nga acid sa tiyan. Ang acid maoy motunaw sa mga pagkaon aron daghang makuha nga sustansiya ang lawas. Usahay, mutaas ang level sa acid tungod sa stress, pagpanigarilyo, pag-inom og tambal, pagkaon og halang ug mantikaon nga pagkaon ug sobra nga pagkatambok sa lawas. 

Asido sa Kuto-kuto

Ania ang mga dugang impormasyon bahin sa asido sa tiyan:

• Ginalaban sa asido sa tiyan ang mga microoganisms sama sa bakterya ug mga virus nga mosulod sa lawas pinaagi sa pagkaon.
• Ang pH level sa acid sa tiyan kay anaa sa 1 ug 3. Ang ingon ani nga pH level kay makahimo na nga mutunaw og usa ka razor blade o bisan unsang nipis nga bakal. 
• Sa usa ka adlaw, anaa sa 1.5 litro nga asido ang anaa sa tiyan o kuto-kuto
• Ang gagmay nga stomach acid kay naga resulta sa indigestion ug taas ang higayon nga magka food-borne diseases.
• Ang sobra nga acid kay puwedeng muresulta sa heart burn, pagsakit sa tiyan, pagkalipong, pagsuka ug stomach ulcer.

Mga Sakit nga Adunay Kalabutan sa Hyperacidity

Kasagaran magbaylo ang Hyperacidity, Acid Reflux ug GERD. Sama sa unang nahisgotan, ang hyperacidity mao ang pag-aslom sa tiyan tungod sa sobra nga acid sa kuto-kuto. Kung kini nga asido mosaka sa esophagus sa usa ka tawo, kini gitawag nga acid reflux. Ang esophagus kay usa ka tube nga nagakonekta sa tiyan ug tutunlan. Kung makasinati og acid reflux, ang pasyente makatilaw og pait nga lasa baba. Maglisod sab kini og ginhawa. Ang reflux mahimo sab muresulta sa asthma attack. Mahimo kining heartburn kung makabati og burning sensation sa tunga nga bahin sa dughan. Mamahimo kining mudugay og pipila ka oras . Kasagaran mograbe kini kung muhigda o magduko. Muresulta sab sa gastroesophageal reflux disease o GERD kung makasinati og sunod-sunod sama sa mga nahisgutan sulod sa duha ka semana.

Mga Butang nga Hinungdan sa Hyperacidity

1. Pagkaon

Dako ang epekto sa pagkaon sa pag-trigger sa hyperacidity tungod kini ang nagasulod sa kuto-kuto). Ania ang mga klase sa mga pagkaon nga kasagarang hinungdan sa hyperacidity.

• Mga halang nga pagkaon o spices
• Kape, tsaa, softdrinks ug ilimnon nga makahubog
• Mga pagkaon nga puno sa gatas sama sa chees, ice cream ug yogurt
• Tam-is nga mga pagkaon
• Mga prutas nga puno sa acid sama sa orange, lemon, berries, mansanas ug pinya

2. Dili sakto sa oras nga pagkaon

Ang dili pagkaon sa saktong oras makaapekto sa normal nga cycle sa digestion tungod kay ma-trigger kini ang kuto-kuto nga mgahimo og mas daghan pa nga asido. 

3. Paspas kung mukaon 

Tungod kay ang kadaghanan sa mga tawo karon nagdali, ang pagkaon nga paspas nahimo na usab nga batasan. Kung ang pagkaon dili ma-usap og maayo, mas dugay kini nga kinahanglan tunawon sa digestive system. Aron mahimo kini, kinahanglan nga maisaka sa kuto-kuto ang acid level niini. 

4. Pagpanigarilyo

Matud pa sa uban, ang pagpanigarilyo makaapekto lamang sa baga, apan usa usab kini sa mga butang nga makapataas sa lebel sa acid sa tiyan.

5. Pagkatambok

Mental health illnesses sama sa anxiety ug depression.

Tambal sa Hyperacidity

Ang kasagarang ginainom kung makasinati ang usa ka tawo og hyperacidity kay ang Antacid. Kaya niining ma-neutralize ang asido sa tiyan. Apan, pwede sab kini muresulta sa kalibanga kung muinom og daghan.  Maayo ang pag-inom og Antacid. Puwedeng muinom og RiteMED Omeprazole ug RiteMED Ranitidine aron mahupay ang kasakit sa tiyan tungod sa hyperacidity, dyspepsia o ulcer.

Maayo sab nga muinom og mga vitamins aron maipadayon ang kahimsog sa lawas, ang RiteMED Sodium Ascorbate kay usa ka bitamina nga makatabang sa pagmintinar sa mga bitamina sa atong lawas, sakto lang kini ilabi na sa mga acidic kay kini adunay non-acidic ingredients.

Kung dili makatabang ang pag-inom og Antacid, maayong magpakonsulta ka sa doktor aron resitahan ug laing tambal.