Mga dili angay kaunon kung adunay hyperacidity

Ang atong lawas kay adunay gastric acid nga maoy mopatay sa mga makadaot nga mga organismo gikan sa atong ginakaon. Nagatabang sab kini aron mahilis ang pagkaon ug makuha ang protina ug uban pang sustansya nga gikinahanglan sa atong lawas. Apan ang presensya sa sobra nga acid kay makadaot ug puwedeng moresulta sa nagka lain-laing mga komplikasyon sa tiyan sama sa hyperacidity, dyspepsia ug pagsakit o hilab sa tiyan.  

Ang hyperacidity kay usa ka medical condition kung diin nagapagawas ang atong tiyan og sobra o excess acid nga muresulta sa discomfort. Puwede kining mahitabo sa duha ka pamaagi:  

1. Ang muscle nga naga-contract aron mapugngan ang stomach acid padulong sa esophagus kay wala mugana og insakto. Kini ang hinungdan nga makasulod ang digestive fluids nga acidic sa esophagus. 
2. Aduna sab mga tao nga naga-produce o nagapagawas og sobra nga acid sa ilahang lawas. 

Mamahimong masinati ang mga musunod kung makabati og hyperacidity: 

Pagsakit sa taas nga bahin sa abdomen

Lipong, sige og suka, mawala ang gana sa pag kaon nga pwedeng mudugay sa usa hangtod duha ka adlaw

Chest pain

Constipation

Sobra nga hangin sa tiyan

Murag ginakumot nga sakit sa tiyan o hilab sa tiyan

Indigestion o dyspepsia

Adunay daghan nga mga hinungdan kung ngano makasinati og hyperacidity ang usa ka tawo sama sa medications, stress, pagpanigarilyo ug pag-inom, apan ang nag-unang hinungdan niini kay sa atong gina kaon. Unsa ba ang mga pagkaon nga angay likayan kung adunay hyperacidity?

1. Spicy Food

Ang pagkaon og mga halang nga pagkaon kay masustansya sa calcium ug vitamins A ug C, apan kung adunay hyperacidity, likayi ang mga chili peppers, hot sauces ug mga spicy flavored nga pagkaon.

2.  Fried Food

Ang mga pinirito nga pagkaon ug taas sa trans-fat, nga makuha sa processed food, kay mas lisod matunaw kumpara sa uban tungod sa ginahimo niini sa atong digestive tract. Bug-at ug hinay ang katibuk-an nga digestive process sa mga piniritong pagkaon mao nga adunay mahibilin nga excess acids nga pwedeng musaka padulong sa esopahgus. Puwede sab mahibilin ug mahunong og dugay sa digestive process ang mga fried fats nga kung asa makapadungang sa pressure sa atong tiyan. 

3. Kape

Ang kape kay usa ka laxative ug ang pag-inom niini kay makatabang aron sa pag-pagawas og hugaw sa usa ka tawo kung aduna kini constipation apan makatabang sab ang pag inom og kape sa pagpagawas og gastric acid sa atong tiyan nga hinungdan sa hyperacidity. 

4. Alcoholic Beverages 

Ang pag-inom og ilimnong makahubog dli lang nagapadungag sa gastric acid sa atong lawas, apan hinungdan sab kini sa dehydration nga labing makapadaot sa kalawasan. 

5. Acidic Fruits

Ang mga prutas kay nagahatag og sustanya og nagapalig-on sa atong lawas apan adunay mga prutas nga kinahanglan likayan kung adunay hyperacidity, usa na niini ang mga acidic fruits. Pipila sa mga prutas nga adunay taas nga acid kay ang berries, apple, pineapple ug mga citrus nga prutas sama sa orange ug lemon. 

6. Dairy Products

Ang gatas kay makatabang magpagawas og sobra nga acid. Gawas sa pag-inom og gatas, likayi sab ang pag kaon og uban pang mga dairy products sama sa yogurt, ice cream ug cheese. 

7. Processed Baked Goods

Ang mga tam-is nga pagkaon sama sa brownies ug cookies kay acidic ilabi na kung kini kay processed baked goods diin puno kini og mga artipisyal nga mga kolor og preserbatibo. 

Likayi ang mga nahisgutang mga pagkaon aron dili makasinati og hyperacidity. Kaon og mga pagkaon nga ubos sa acid ug inom og daghang tubig. Pag-practice og healthy lifestyle sama sa pag-exercise, pag kaon og sakto ug igo lang pud sa atong lawas ug likayi ang ilimnon nga makahubog, pagsigarilyo ug stress. 

Maayo sab ang pag-inom og RiteMED Omeprazole og magpakonsulta ug mangayo og tambag sa mga doktor kung makasinati sa mga simtomas sa hyperacidity aron malikayan ang uban pang komplikasyon ilabi na kung makadaot sa atong kalawasan.