Tambal sa pigsa ug home remedies para niini
December 20, 2018
Lahi-lahi ang gina ingon nga hinungdan sa paghiagom og pigsa, apil na sab ang pagpaayo niini. Gikan sa paggamit og bote para mapisa o mubuto ang impeksyon hantod sa pagbuslot sa mata sa pigsa gamit ang dagom, kung musunod lang sa mga pangagpas ug dili luwas nga paagi sa pagpaayo, posible lang kining maimpeksyon ug mas musamot. Ania ang mga home remdy para sa pigsa ug mga tambal para mawala kini.
Bago nato hisgutan ang mga maong home remedies ug tambal, atoa sa hisgutan kung unsa ang pigsa ug kung ngano magka ingon ani ang usa ka tao, aron mas masabtan ug mahibalan kung unsa ang mga angay buhaton.
Unsa ba ang pigsa?
Ang pigsa o boil usa ka impeksyon sa panit na nagasugod sa hair follicle o oil gland sa layer sa panit. Sa sugod, mamula ang panit sa area na naimpeksyon, sundan kini og usa ka lump human ang pila ka adlaw sa sulod sa upat hantod pito ka adlaw, ang maong bukol aduna nay nana sa sulod sa panit.
Kasagaran, mugawas ang pigsa sa nawong, liog, kili-kili, abaga o sa may taas nga bahin sa lubot. Aduna sab sa mata na usahay – nailhan sa tawag na buwinggit o sty. Kung ang pigsa naa sa grupo nga dikit-dikit, ginatawag kini nga carbuncle, usa ka grabe nga impeksyon.
Unsa ang mga posibleng hinungdan sa pigsa?
Kasagaran, ang mga pigsa tungod sa staphylococcus, usa ka klase sa bacteria na nagasulod sa lawas pinaagi sa mga gamay nga samad o hiwa sa panit. Pwede sab kini muagi sa buhok aron makasulod sa follicle sa panit.
Gawas niini, aduna sab mga kondisyon nga posibleng hinungdan sa pigsa sama sa diabetes, pagkahuyang sa immune system laban sa mga sakit ug impeksyon, malnutrition, dili saktong pag-atiman sa lawas, ug pagka exposed sa mga makadaot na kemikal na makairita sa panit.
Dugang pa niini, basin aduna sab sensitivity ang panit gikan sa ubang produkto sama sa ubang active ingredients na makita sa mga make-up ug skin care products. Namatikdan nga kini ang hinungdan sa pigsa kung kalit ang paggawas sa impeksyon human ang unang paggamit sa sa maong produkto.
Usahay, makatakod kini pinaagi sa skin-to-skin contact gikan sa mga secretion sa usa ka bag-ong pigsa. Ginapahinumdom na dili usa manghuram og mga personal na gamit gikan sa tao nga adunay pigsa para makalikay sa pagkatakod sa impeksyon.
Unsa ang mga sintomas sa pigsa nga angay bantayan?
Tungod nagasugod kini nga gamay lang, dili sab kini ingon ana kasakit sa una. Samtang nagadako kini, nagagrabe sab ang dala niini nga discomfort. Mas taas ang impeksyon, mas sakit ang pigsa. Obserbahan kung nagapakita na ug sama niini nga mga senyales ang pigsa aron dili na mukalat pa ang impeksyon:
- Pagkasinati og kalintura;
- Kung aduna nay kulani sa managlahing parte sa lawas;
- Pagtubo sa mga gagmay na pigsa sa palibot sa mga nauna nga pigsa; ug
- Pagka impeksyon sa panit sa palibot sa pigsa (pagpamula, pagpanakit, pagka init sa gibati, ug paghubag).
Unsa ang mga home remedy para sa pigsa?
Adunay pipila ka pamaagi nga pwedeng pilian aron mawala ang pigsa. Ang importante dinhi dili lang ang pagkawala sa bukol ug nana, apan apila na sab ang pagpatay sa impeksyon na nakasulod sa panit. Ania ang uban sa treatment sa pigsa na pwedeng sulayan:
- Antibiotic para sa pigsa – Ang tambal sa pigsa sama sa cloxacillin makatabang na malabanan ang bacterial infection. Usa kini ka klase sa penicillin nga nagapugong sa pagdako ug pagdaghan sa bacteria. Ginarekomenda na inomon kini sa sulod sa isa o duha ka oras paghuman og kaon.
Kung bata ang nagkapigsa, mamahimo siyang hatagan og cloxacillin solution o syrup. Hinumdomi nga na mokonsulta una sa pediatrician una i-administer ang naingon na tambal.
- Ointment para sa pigsa – Adunay mapalit na over-the-counter ointment na adunay polymyxin B, neomycin, ug bacitracin zinc aron pugngan ang impeksyon na dala sa bacteria sa panit. Para makasiguro, mamahimong magbuhat usa og skin test sa dermatologist o professional consultation sa doktor.
- Warm compress – Makatabang ang init niini na mahimong normal ang blood circulation sa area nga adunay impeksyon. Tungod niini nagadaghan ang white blood cells ug antibodies na mutabang aron mupatay sa bacteria nga hinungdan sa pigsa. Patungan og warm compress ang pigsa sulod sa 20 ka minuto tulo hantod upat ka beses sulod sa isa ka adlaw, adlaw-adlaw, hantod sa mawala kini.
- Tea tree oil – Gawas sa pagpaayo sa bugas sa nawong, makatabang sab ang tea tree oil para sa pagpawala sa pigsa tungod sa anti bacterial ug antiseptic benefits niini. Mag mix og lima ka tulo sa tea tree oil sa isa ka teaspoon na virgin coconut oil o olive oil. Gamit ang limpyo nga gapas, ipahid kini og hinay sa pigsa 2 hantod 3 ka beses sa isa ka adlaw hantod maayo kini.
- Castor oil – Aduna kini ricinoleic acid acid na usa ka natural anti-inflamamtory nga nagapugong sa paghubag ug pagpanakit sa pigsa. Butangan lang og gamay ang pigsa at least 3 ka beses sulod sa isa ka adlaw hantod sa munipis kini.
Ginapahinumdom na ang ingon aning pamaagi sa self-medication o home remedy kay ginarekomenda para sa mga pasyente nga adunay diabetes tungod posibleng mugrabe ang health condition tungod sa samad na dala sa pigsa sa pag-ayo niini.
Kung galing dili mutalab ang bisan unsa sa mga pamaagi na nahisgutan, mamahimong magpakonsulta sa espesyalista aron makasiguro na ang pigsa dili sintomas sa mas grabe na health concern sama sa cancer. Dili man kini angay kabalak-an kung tanawon, mas maayo gihapon nga mag amping.
