Migraine: Pagpanakit sa mata ug Sintido

Daghan ang klase sa headache o sakit sa ulo ug adunay lahi-lahing hinungdan kung ngano makasinati ug unsaon pagtambal niini. Usa lang ang pagkapareho sa lahu-lahing klase sa headache – sakit kini sa ulo maong ang tao nga makasinati niini dili mabuhat og tarong ang mga kinahanglan nila himuon.

Nahasol ba ka sa pabalik-balik nga sakit sa ulo ug pagpanakit sa mata? Basig migraine na kini.

Unsa ang migraine?

Ang migraine usa ka klase sa sakit sa ulo na pabalik-balik. Mabati nimo nga daw murag naay nagapitik sa gilid sa imong ulo o sintido. Ang pagpanakit niini nagadugay og 4 nga oras hantod 3 ka adlaw.

Hinungdan sa migraine

Adunay pagtuo ang mga eksperto na ang migraine mapasa o genetic. Gawas niini, aduna pay laing hinungdan sa makahasol nga headache:

• Stress
• Anxiety
• Kulang o sobra sa pagtulog
• Hormonal change sa mga kababainhan
• Sobra nga kahayag, kasaba o isog nga baho
• Pabago-bago nga panahon
• Kung nasobrahan sa physical activity o kakapoy (overexertion)
• Paglaktaw sa oras sa pag kaon
• Sobra nga pag-inom og lain-laing klase sa tambal o medication
• Pagpanigarilyo
• Kung nasobrahan sa pag inom og kape
• Pagkaon na adunay additives o artipisyal na sahog
• Dehydration o kakulangon sa tubig

Sintomas sa migraine

• Nagasakit ang ubang parte sa ulo o sintido
• Pagkalipong
• Pagsuka
• Pagka sensitibo sa hayag, baho, o kasaba
• Pagpanakit sa mata ug pagkahanap sa pananaw
• Walay gana mukaon
• Usahay ginakalintura

Kung makakita og mga zigzag patterns (fortification spectra), hayag nga suga (scintilla), ug  kung adunay blind spots (scotomas) o kung adunay kulang na parte sa atong pananaw.

• Pagkaluspad

Mga klase sa migraine

Ang migraine adunay lahi-lahing klase ug ang mga sintomas o senyales na nahisgotan kay pwedeng mabati depende sa klase niini.

• Migraine na giubanan og aura

Kini mao ang masinati nga aura – sama sa pananaw na adunay mga blind spots (scotomas) – bago masinati ang grabe nga pagpanakit sa ulo.

• Migraine na walay kauban nga aura

Kini mao ang kalit na pagpanakit sa ulo na walay sensyales na ikaw magka migraine.

• Migraine na walay pagsakit sa ulo

Ginatawag sab kining “silent migraine” kung diin masinati sa adunay sakit ang mga aura apan dili nagasakit ang ulo human ani.

• Chronic Migraine

Kini mao ang klase sa migraine kung diin grabe ang sakit sa imong ulo na nagadugay og 15 ka adlaw o sobra pa.

• Hemiplegic Migraine

Talagsa ra kini apan ang tao nga adunay sama ani nga migraine makasinati og paralysis kung diin dili niya kaya ilihok ang apektado nga parte sa lawas.

Mga kinahanglan buhaton kung sagunson ang pagsakit sa ulo:

• Sakto nga pag tulog og pagpahulay
• Magbutang og ice sa parte sa ulo nga nagasakit
• Pagkat-on sa pag manage sa stress
• Muinom og daghang tubig
• Muinom og pain relievers sama sa Ritemed Paracetamol o Ritemed Paramax

Aduna bay Ritemed niini?

Mga angay mahibaloan mahitungod sa RiteMED Paracetamol:

Para asa ang  Ritemed Paracetamol?

Ang maong tambal para sa sakit sa ulo, sakit sa likod, sakit nga puson, muscle pain, toothache, arthritis pain, o bisan unsa nga sakit na dala sa sipon ug trangkaso.

Mga pahinumdom mahitungod sa tambal:

• Ayaw og lapas sa 8 ka tablet nga inumon sa sulod sa isa ka adlaw:
• Adunay ingredient na warfarin ang maong tambal na posibleng magresulta sa pagdugo

Gawas sa RM Paracetamol, pwede sab inumon ang Ritemed Paramax (Ibuprofen ug Paracetamol). Ania ang mga detalye mahitungod sa produkto:

Para asa ang Ritemed Paramax?

Kini para sa mild hantod severe na level na pagpanakit na kasagarang nagasugod kung adunay problema sa kasu-kasuan (joints and muscle). Tungod kini adunay paracetamol, pwede sab kini inumon para sa sakit sa ulo, puson, ngipon o para sa mga gikan sa minor surgery.

Mga pahinumdom mahitungod sa maong tambal:

• Dili kini pwede sa mga bata nga nag edad og 12 pababa
• Dili kini inumon og lapas 10 ka adlaw, gawas na lang kung gireseta sa inyong doktor
• Dili mulapas sa 6 ka tableta nga inumon sulod sa isa ka adlaw