Tambal sa sakit sa tiyan

Unsa ang hyperacidity?

Ang hyperacidity mao ang tawag sa sakit kung diin sobra ang asido sa tiyan. Kini mao ang pagbati nga ginatawag nato nga “sinisikmura”. Ang tao nga acidic o sinisikmura adunay pagpanghubag sa gilid sa tiyan tungod sa bacterial infection ug epekto sa unhealthy lifestyle sama sa sobra nga pag-inom og mga ilimnong makahubog.

Ang hyperacidity, kung napasagdan, posibleng mahimong ulcer o kanser sa tiyan. Maong mas maayo nga matambalan dayon kini.
 

Hinungdan sa hyperacidity

Bisan tungod sa bacteria na Helicobacter pylori ang maong impeksyon, aduna pay laing hinungdan kung ngano makasinati og hyperacidity:

• Acid reflux o ang pagsaka sa stomach acid sa tutunlan
• Stress ug anxiety
• Sobra nga pag kaon og mga halang o mantikaon
• Paglaktaw og kaon
• Side effect sa mga tambal sama sa aspirin, ibuprofen, ug mga nitrate
• Pagka overweight o obese
• Peptic ulcer o ulcer sa tiyan
• Kanser sa tiyan
• Pagpanigarilyo
• Sobra na pag inom og ilimnong makahubog
• Sobra na pag inom og kape

Sayron ang mga sintomas sa pagka acidic

• Pagpangaslom sa tiyan
• Heartburn o ang pagbati na nagasaka ang asido sa imong dughan
• Pagkalipong
• Pagsuka
• Kabag

Tambal sa sakit sa tiyan

Para sa pagpanakit sa tiyan, mamahimong muinom og antacid na nagatabang aron mabawasan ang acid sa lawas.

1. Ritemed Neutracid:

Para asa ang Ritemed Neutracid?

• Aron mahupay ang hyperacidity sa posibleng muresulta sa peptic ulcer, gastritis, esophagitis ug dyspepsia
• Adunay H2 blockers o proton pump inhibitors aron muginhawa dayon ang mga sintomas sa ulcer.

Kung dili gihapon mawala ang sakit sa tiyan, mas maayo na mokonsulta sa doktor aron mahatagan og saktong tambal sama sa RiteMED Rabeprazole, RiteMED Ranitidine ug RiteMED Omeprazole. Ang mga maong tambal mapalit lang kung adunay reseta sa doktor.

Kanusa dapat magpakonsulta sa doktor?

Daghang kaso sa hyperacidity na mawala ra sab kung maremedyohan dayon. Pero kung nagpadayon ang mga sintomas sama sa pagsuka, heartburn, kalit nga pagpayat ug paglisod sa pagtulon angay lang nga magpakonsulta na sa doktor. Ang mga maong sintomas posibleng indikasyon sa mas seryoso nga kondisyon na dili dapat pasagdan.

Mga pwedeng himuon aron malikayan ang hyperacidity

Lisod kung aduna kay hyperacidity maong ania ang mga pipila sa mga pwedeng himuon aron malikayan kini:

• Bawasan ang pag kaon og daghan. Mamahimong mukaon og 5 small meals imbes na mag-konsumo og 3 ka bug-at na meal sa isa ka adlaw.
• Mukaon sa saktong oras.
• Paghuman og kaon, maghulat og  2 or 3 oras bago matulog.
• Bawasan ang pag kaon og mga halang.
• Maglikay sa pagpanigarilyo ug sobra na pag-inom og ilimnong makahubog, kape ug soft drinks.
• Magbawas og sobra nga timbang.
• Mag-ehersisyo adlaw-adlaw.
• Dili magsuot og sobra ka guot nga sanina.
• Hinay-hinay sa pag kaon og tsokolate, ponkan, kamatis ug uban pang butang na daghan ang acid.
• Magpahulay kung makabati og stress.