Tambal sa bulutong o chicken pox

Sa unsa nga pamaagi nganong magka-bulutong

Ang bulutong o chicken pox usa ka komon nga sakit sa mga bata apan unsa ba gayud kini nga sakit?

Ang bulutong o chicken pox kay usa ka sakit diin ang usa ka tawo makabaton ug katingad-an nga butoy ug singaw sa panit.

Kini usa ka airborne disease o sakit mikaylap pinaagi sa hangin. Kasagarang makabaton og chicken pox kung matakdan sa virus nga varicella zoster.

Mga Simtomas sa Chicken Pox

Ang mga simtomas sa chicken pox kay mugawas lang human sa 10 hangtod sa 21 ka adlaw pagkahuman ma-expose sa varicella zoster virus.)

• Rashes
• Hilanat
• Ubo
• Sakit ng ulo
• Walay gana mukaon
• Gibati og kakapoy

Kung mugawas ang rashes, aduna kini 3 ka hugna o phases: 

• Gagmay nga mga pantal o rashes nga sama sa bugas-bugas nga mikaylap sa tibuok lawas human sa pipila ka adlaw.
• Tubigon nga mga rashes sama sa blisters (vesciles). Kini ang hugna kung diin ang chicken pox labing makatakod
• Mga crust sa mga parte diin mitubo ang bulutong. Ang mga crust morag na-uga nga panit nga katol ug mahimong ulat o peklat kung kaluton. Timailhan usab kini nga hapit na maulian ang pasyente.

Makatakod ba ang gyud ang chicken pox?

Ang chicken pox o bulutong kay labing makatakod. Ang virus sa chicken pox mukaylap pinaagi sa hangin (pag-ubo ug pag-atsing) o pinaagi sa talsik sa laway. Kinahanglan nga ang pasyente nga adunay chicken pox magpabilin sa balay aron dili kini makatakod.

Unsa ang himuon kung adunat bulutong o chicken pox?

• Ayaw kalota ang panit tungod kay puwede kining masamad ug magpagawas og likido o fluid nga puwedeng makatakod. 
• Gamit og relief cream sama sa RiteMED Calming relief cream
• Bantayi pag-ayo ang pasyente kung grabe ang iyang pagkalipong, dili makaginhawa o adunay pulmonya. Kung ingon niini ang ginabati sa pasyente, dad-a dayon siya sa doktor ug magpa-check-up.

Unsaon paglikay sa chicken pox?

Usa sa labing epektibo nga pamaagi aron malikay ang mga bata sa chicken pox mao ang chicken pox vaccine. Duha ka shot sa chickenpox vaccine ang gikinahanglan alang sa mga wala pa nagka-chickenpox o wala pa nabakunahan.

Girekomenda sa mga doktor nga adunay first shot sa vaccine ang usa ka bata kung nag-edad sila og 12 hangtod 15 ka bulan ug booster kung ang ilang edad kay 4 hangtod 6 ka tuig.

Mamahimong magpakonsulta sa doktor bahin niini aron adunay sakto nga proteksyon batok sa sakit.  

Usa sab sa mga puwedeng ireseta sa doktor aron matambalan ang chicken pox mao ang RiteMED Aciclovir. Hinumdomi, pangutana usa sa imong doktor bag-o moinom ug bisan unsang tambal.