Unsa ang hinungdan sa katol nga bugan o singit?

Nakasinati na ba ka og grabe nga pagpangatol sa bugan o singit? Posibleng hinungdan niini mao ang skin infection nga ginatawag na jock itch. Dili lalim kung adunay skin problem sama niini ilabi na kung mu-atake ang pagpangatol sa panahon nga ikaw naa sa pampublikong dapit. Gawas sa inconvenience na dala sa pagpangatol, ulaw sab ang pagpangatol atubangan sa daghang tao.

Maong importanteng mahibalan kung unsa ba ang jock itch. Unsaon kini pagtambal ug paglikay? 

Unsa ang jock itch?

Ang tinea cruris o jock itch usa ka klase sa skin disease ug fungal infection na hinungdan sa pagpamula ug pagpangatol sa init ug moist na parte sa lawas. Ang maong rashes sagad na mahitabo sa inner thighs ug bugan ug adunay porma nga singsing. Ginatawag kini nga “Jock Itch” tungod sagad sa makasinati niini nga skin problem mao ang mga atleta o mga tao nga sagad mag singot. Kasagaran sab kining sakit sa mga tawo nga overweight.

Sama sa ubang skin diseases na dala sa pamilya sa tinea, ang jock itch dala sa usa ka mold-like fungi nga ginatawag na dermatophytes. Ang maong mga microscopic fungi sagad nga anaa sa panit, buhok ug kuko.

Ang jock itch katol ug usahay hapdos, apan, wala kini dala nga peligro sa panglawas. 

Hinungdan sa Jock Itch

Ang jock itch dala sa usa ka grupo sa fungi na dermatophytes. Kini natural nga nagpabilin sa panit ug kasagaran wala kini dala nga problema. Apan, kung ang usa ka tao nagasuot og sanina na basa kayo sa singot, ang dugay nga pagkababad sa moisture maoy hinungdan sa paspas nga pagdaghan sa fungi.

Kung ang usa ka tao adunay overgrowth sa dermatophytes sa iyang bugan, muresulta kini sa jock itch. Ang fungus nga maoy hinungdan sa maong skin disease kusog makatakod sa ubang tao. Posible sab matakdan kung suoton nimo ang hugaw nga sanina sa adunay skin disease sama niini.

Ang mga sagad na sintomas sa jock itch mao ang mga musunod:

• Pagpangatol ug paghapdos sa infected na bahin,
• Namula ug scaly na lingin na rashes
• Cracking ug pagpamanit sa area.

Kasagaran, ang mga maong sintomas makita sa groin area, bugan, ug lubot.

Unsa ang mga jock itch treatment?

Kung dili matambalan ang jock itch, posible kining magdugay og pila ka bulan. Mao importanteng mahatagan dayon kini og tambal. Usa sa possible treatments sa maong skin problem ang anti-fungal treatments sama sa RM Tolnaftate, usa ka topical cream na epektibo nga fungal infection treatment. 

Gawas niini, importanteng hugasan og maayo ang parte sa lawas kung diin mabati ang pagpangatol. Siguraduhon nga paugahon kini gamit ang limpyo nga tualya. Mugamit og laing tualya para sa ubang parte sa lawas aron dili mukalat ang fungal infection. Kung dili mawala ang jock itch sulod sa pipila ka semana, mokonsulta na dayon sa doktor.

Unsa ang angay buhaton aron malikayan ang jock itch?

Aron malikayan ang jock itch, anaron nga sundon ang mga musunod na health habits:

• Maligo adlaw-adlaw ilabi na paghuman og pasingot.
• Magpabiling uga. Paugahon ang bugan o singit gamit ang limpyo nga tualya paghuman og ligo.
• Dili manghulam ug magpahulam og tualya ug uban pang personal na gamit.
• Dili mugamit og guot na sanina ilabi na ang underwear.

Pirmi magsuot og limpyo nga sanina.